耶教能人#010：朝更美家鄉走／回去

此地不宜久留，或者係近期香港人嘅生活寫照。 隨住各地降低門檻，移民已經成為茶餘飯後嘅話題，有人部署緊移民，有人約緊farewell，有人走咗先畀人知，彷彿離開先係香港人嘅生活實況。信仰世界、教會圈子入面，上帝子民離開故地唔係第一次，亦相信唔會係最後一次，以色列民當時係點走法？被擄／流放嘅歷史係點？打開屬靈語言嘅包裝，核心其實係啲乜嘢？ 離開嘅人覺得此地不宜久留，但亦有不少人因著種種原因，堅持「此地不移，久留」，為更美好嘅家鄉奮鬥。今期《耶教能人》希望擴闊對移民嘅想像，嘗試探索去或留／是與非之間嘅可能性，指認自去年開始出現嘅種種情緒。 無論你覺得邊度先係家鄉，或者香港係唔係你家鄉；無論你想唔想走、走唔走到，喺香港或者天國以外嘅地方適應成點，耶穌愛你，我都愛你。 今宵多珍重。 專訪一　耶路撒冷，我想去嘅地方！──專訪希伯來移民顧問高銘謙 專題　寄居移民　成就可能──九流移民攻略2020 專訪二　願你記得軟弱沒有錯──專訪情緒達人潘怡蓉