耶教能人#007：愛家剷泥齊栽培

初信者接受栽培，係嘗試藉系統嘅課程，幫助我哋嘅信仰與生命達致有機結連。不過近年來，不少信徒認為教會教導無法盛載生活經驗，同世界、社會脫晒節，於是有人留喺教會嘗試改革，有人繼續留低做星期日信徒，亦有人離開教會場境，尋索信仰的（不）可能。呢啲現象係咪反映教會栽培已經失效？係咪信徒信信吓唔記得晒？點解會出現咁嘅情況？又如果信徒出去搵其他可能性，上吓研經課程，啲課程又係做緊咩？點解反而佢哋吸到客，但教會留唔到人？ 所謂愛家剷泥齊栽培，一來講緊栽培需要整個群體一齊努力，培育愛錫教會嘅信徒；成敗唔應該係個別栽培者嘅責任，栽培亦絕對唔應該只係社會化（socicalization）嘅倒模過程。二來，栽培者、教會同初信者都要一齊翻鬆泥土，容許空氣、水、肥料滲透滋養，並且適應四時變化，常被聖道更新、經驗聖靈提醒。 今期我哋從信徒出去搵食嘅情況開始，睇吓外面食物嘅吸引之處，嘗試指出呢種自覺「識食」／「我們在這裡真好」嘅心態有咩問題，再睇吓教會整體、長執教牧嘅角色係咩──唔想鬧人又唔想放棄，仲有咩出路？ 專訪一　有食唔食，罪大惡極？──專訪生命之道梁國權 專題　有機教會生活 專訪二　神學必修栽培課──專訪Tillich達人葉菁華